Dikhljaripe e nevipengo ko 17 00h

Tetradji, 8. avgusti 2012.

PODGORICA – KAR dende 50 milje dolaria vaš ažutipe e Romenge kaske khera ko agor e julesko thabile ano našutnengo kampi ani Podgorica. Loe pokime e Lole trušuleske Crna Gorako vaš kinibe kontejneria thaj duj medicinake kontejneria, mothavdilo kotar Ambasada KAR ani Podgorica. Paše 800 Roma kotar našutnengo kampi "Konik", anaiperiferia Podgorica, ačhile bi kherea ani bari jag. On siton našutne kotar Kosovo ani Crna Gora save ale 1999. Dizutne našutnenge kampeske angle ažutime Germania e 50.000 evrenca e haba, thaj turkiako Lolo kvašo masek cahrenca thaj paketenca hba ano molipe e 60 milje dolaria. Thagarutni mangela ano maškaribe e Evropaka unia sajekh te resol problemi e našutne Romengo kotar kampi ani Podgorica. Odole thaneske čhinadipe Konsili Evropako ano februaresko raporti denga nota sar bihumano.

BEOGRAD – Prezidento Thagarutnako Srbia Ivica Dačić thaj šefi UNMIKesko Farid Zarif eavazinde ano tetradji ano Beogradi kaj sa reslibe e problemesko ano Kosovo thaj Metohia manglape te ovol ano jekhipe e Rezolucia 1244 Konsili arakhibasko KN thaj kaj manglape te verfikuinol ole Konsili arakhibasko KN. Sar vakrdo ano mothovdipe e Thagarutnako Srbia, Dačić thaj Zarif eavazinde kaj manglape te arakholpe tehnipe thaj stabilipe ano Kosovo thaj kaj dijalogi biprmimo vaš rslibe sa pučipaso. Adcikaribe e jekhrigake potezenda sito čhinadipe e tehnipasko thaj adikardo stabilipe, dendili nota ano bešipe. Džene avazinde sar hraminela ano mothovdipe, kaj jekhvakteske institucie thagarutnake ani Priština nane adekvatno reaguime pedo sajekh atakia pedo srbikane dizutne thaj monumentia. Thagarutni Srbiaki lela haljovibe ande ano tehnikako dijalogi Beogradesko thaj Prištinako thaj vakarela kja manglape te nakhen averutne interpretacie ande haljovibaske resoa, vakargja Dačić e Zarifeske.

BEOGRAD – Adikaribe sajekh thaj amalipaske relacie Srbiake thaj Republikake Srpska ano sa sfere djivdipske sito nagluni nacionano buti, garanti e stabilipasko vaš pošukar avutnipe, eavazinde prezidentja Srbiako thaj Republiako Srpska Tomislav Nikolić thaj Milorad Dodik. Nikolić ano vakeribe e Dodikea ano Beogradi vakargja kaj manglape te pačalpe Dejtonsko haljovibe, dži kaj Dodik vakargja kaj Republika Srpska ka lundjarol te kerol promocia pačavibaski Rezoluciaki 1244 kotar Kosovo, mothavdilo kotar pres servisi prezidentesko Srbia palo bešipe adikardo ano Prezidiumi Srbiako. Nikolić e Dodikeske vakargja kaj gatisarela nacionalno strategia vaš Kosovo thaj Metohia, vakeriba kaj dži akan aSrbia na iklisti e konkretno planea, već numa kaj denga djevapi pedo rodipe kotar aver rig. Nikolić thaj Dodik eavazinde kaj si sajekh mangliep vaš barjaripe sajekh maškaribasko adikardo ano haljovibe ktoar specialno thaj paralelno relacie Srbiake thaj Republikake Srpska.

BEOGRAD – Nevo guverneri Themutna bankako Srbia Jorgovanka Tabaković oficielno lela djevapibe e džikanutne guverneresta Dejan Šoškić. Tabaković ano lejibe funkcia vakargja kaj ka lundjarol te kerol kredibilno monetarno politika thaj kaj ka lundjarol te kerol ano arakhibe kredibiliteti Themutna bankako Srbia, sar biphangli thaj kokoribaski institucia, vakardo ano mothvdoipe kotar centralno banka. Jorgovanka Tabaković ani funkcia guvernereski alosardi 6. avgustea e mandatea e šov beršengo. Tabaković anglo lejibe funkcia ačhavgja funkcia ani Srpsko napredna stranka kote sine sar teloprezidento odola partiako, dženutni e legardutna koaliciaki.

BEOGRAD – OEBS sito gatisardo te lačharol maškaribe e Parlamentea Srbiako, vakargja ano Beogradi šefi Misia OEBS ani Srbia Dimitrios Kipreos e prezidenteske Nebojša Stefanović. Kipreos, sar mothavdo kotar Parlamenti, vakargja kaj OEBS ka ovol "lundjardo vasti" vaš aktivnostja Parlamenteske Srbia "savo prezentuinela epicentir parlamenteske djivdipasko". Stefanović vakargja kaj "siole šukar gndipe kotar molipe sa projektengo ano save lele kotor Misia OEBS thaj sikavgja gndipe kaj odova ka lundjarolpe". Sar vakargja, Parlamenti ka ovol putardo vaš sa bahamia thaj sugestie sebepi barjaripe e bukengo.

BEOGRAD – Prezidento Parlamentesko Srbia Nebojša Stefanović vakargja kaj parlamenti ko agor e avgustesko ka diskutuinol kotar prmibe duj kanunia kotar umal juridikako krisipe, a ano septembri ini kotar rebalansi raštrake budžetesko te sine kaj adjahar iniciativa avela kotar thagarutni. Ov pheng akja ano paluno kurko e avgustesko parlamenti ka dikhol kanunia kotar umal juridikako krisipe, maškar savo si ini prmibe Kanuni kotar došalipasko procesi, a kaj ano angalalipe e septembaresko adžukarelape diskusia kotar kanuni vaš publikako kinibe. Stefanović vakargja kaj prioriteti ani buti parlamentesko ka ovol zorali kontrola funkciake Parlamentesko, sar ini zoralipe e šerutnipasko. Ano pučipe sar ka zorarolpe kontrola e bukjaki ministrengi, Stefanović vakargja kja nakhli thagarutni avazingja Butikerdutno lil savo dikhljarela butipe dženengo šerutnipaske kaj musaj te oven kotar legardutno butipe.

Beta

Aver artiklia: