Dikhljaripe e nevipengo ko 12 00h

Žoj, 12. juli 2012.

BEOGRAD – Prezidiumi Evropaka uniako, Kipar, ka kerol sa e EU dži agor akale beršesko te verifikuinol data e vakeribaski e Srbia kotar pašipe Uniake. Odova idž ano Beogradi vakargja ministri avrune bukengo Kiparesko Erato Kozaku-Markulis palo vakeribe e mandatarea vaš khedipe neva thagarutnako Srbia e ministrea andrune bukengo Ivica Dačić. Dačić phenga e kipareska ministarkake poro paćiv kaj avutni thagarutni Srbiaki zorale ka ovol vaš lundjaripe evorpake integracie thaj kaj suksesia ka arakhen balansi evropake dromesko thaj arakhibasko e nacionalne interesjengo. Kiparesko ministri vakargja ano vakeribe e Dačićea poro paćiv kotar neve legardutne Srbiake kaj olaki phuv ka kerol sa te sigarol evro-integracie Srbiake.

NOVI SAD – Senatoria parlamenteske Vojvodina alosarde idž nevi krainaki thagrutni, savi ano than džiakanutne 12 ka genol 11 sekretarijatia thaj štar teloprezidenteske thana. Vaš nevi thagarutni avazime senatoria legardutna Demokratikana strnakake, Ligake socialdemorkatengo Vojvodina thaj Khedipe vojvodinake Hungarengo, dži kaj opipe akava pratsav sine senatoria kotar Srpsko napredna strnka, Demokratikani stranka Srbia thaj Srpska radikalna stranka. Adikarde sine senatoria kotar Socialistikani partia Srbia, save palo štar berša veke naneton ani egezekutivno thagrutni ani Vojvodina. Prezidento Thagarutnako Vojvodina Bojan Pajtić vakargja ano ekspoze kaj thagarutni ka ovol potikni thaj efikasno e nakhla a pedo poro kvaliteti autoritativno e nakhla.

NOVI SAD – Prezidento Parlamentesko Vojvodina Ištvan Pastor phenga idž, kotar pratsav Ačhimoseske krisesko te ačhavenpe ulavde aktja Kanujneske kotar verifikuibe djevapibe e Vojvodinako, kaj angluni kotar odova anela pratsav parlamenti Srbiako. “Adžukarava kaj pratsav krisesko angle ka ovol mothavdi ano Službeni glasnik, a palo odova angluno ano rndo sito Parlamenti Srbiako savo avazingja Kanuni kotar verifkuibe djevapibasko”, vakargja Pastor ani konferencia vaš žurnalistenge ano Novi Sad. Ov phenga, te sine kaj Ačhimosesko krisi anela esavko pratsav thaj ano procesi pedo pučiep ačhimosesko Statuti Vojvodinako, popale Parlamenti Srbiako kotar odova musaj te avazinol, soske on ano bahami Krainako verifikuime Statuti Vojvodinako.

BEOGRAD – Grupa bithagarutne organizaciengi idž pratsava Ačhimoseske krisesko Srbia tiknjarde djevapibe Autonomno krainako Vojvodina thaj oj akana sikavela kaj Ačhimos prezentuinela seriozno riziko ano barjaripe Srbiako sar moderno evropaki raštra. “Ano than adžukaribe dur decentralizacia thaj legaripe djevapibasko pedo niveli savo sito paše dizutnenge, adjahar pratsav inarelape politika e bara centralizaciako kotar vakti Slobodan Milošević”, hraminela ano mothovdipe.

NOVI SAD – Koalicia bithagarutne organizaciengi Dizutnengi Vojvodina mothavgja idž kaj pratsav Ačhimoseske kriseski Srbia kotar biačhimos djevapibasko e Vojovdinako pana jekh čalavdipe vaš olenge dizutne. “Delape pučipe sito mi akava pana jekh došalipe vaš Vojvodina savi tradicionalno ano alsoaribe avazinena verutne e aver thanenda ani Srbia, sar ini denape mi adjahar pratsav krisutne e neva thagarutnake”, vakardo ano mothovdipe. Ano mothovdipe phenelape ini kaj akava pratsav Ačhimoseske krisesko sikavgjape kobor “biadikardo sito akanutno ačhimos, thaj kaj manglape te kerolpe baro dizutnengo fronti vaš olengo prmibe”.

PRIŠTINA – Ani bufljardi opercia ano umal Priština, Mitrovica thaj Peć, Gračanica policia Kosovaki an maškaribe e aver servisjenca policia Kosovo astargja stamparia vaš falsifikuibe dokumentjengo thaj phanga inja džene. Phande siton dondutne vaš marketi e migrantjenca thaj falsifikuibe dokumentjengo, hraminela ano mothovdipe e policiako. Ano ordipe jekh kheresko pedi direkcia daviutniaski ani Priština thaj Prizreni, astardo baro gendo falsifikuime dokumentjengo thaj tehnikako vaš falsifikuibe. Policiake rodutne kotar samatrendaki policia ani Čaglavica astarde stamparia vaš falsifikuibe. Policia lela milje dokumentja maškar save ini falsifikuime pasošia kotar Slovenia, Finska, Čehia, Germania thaj aver raštre. Arakhle siton ini falsifikuime pasošia Kosovake, falsifikuime vize, sar ini fotografie thaj aver materialia vaš keribe falsifikluime dokumentjengo.

BEOGRAD – Ačhimosesko krisi Srbiako avazingja idž pobut e 120 eroibe bialsoarde krisutnengo thaj verifikuingja kaj ano anibe pratsav kotar olengo vakeribe na dendo gndipe kaj pherena čhinadipe vaš alosaribe ani sajekh krisutnengi funkcia. Sar vakardo an sajti odole krisesko, Ačhimosesko krisi adjahar dio anavga pratsav e Uče krisesko pedo savo lelino sito vkaeribe e krisutnengo dendo opipe pratsava ano fundo save ačhili olengi krisutnengi funkcia. Ačhimosesko krisi Srbiako rodinga e Uče krisesta krisipasko ano roki e 60 divengo e diveta kana lela akava pratsav te kerol alosaribe dženengo save dena eroibe, phenelape ano mothovdipe.

Beta

Aver artiklia: