Dikhljaripe e nevipengo ko 12 00h

Tetradji, 11. juli 2012.

BEOGRAD – Helsinško šerutnipe vaš manušikane hakaja vakargja ano marsi ki rat kaj ani Srbia ano zoralipe sito zoralo miškope save dena negacia kotar genocid ani Srebrenica thaj rodinga e raštrata te avazinol kanuni savo kotar odova ka dol sankcie. “Helsinško šerutnipe vaš manušikane hakaja ani Srbia rodela e raštrata moralno te dol davia vaš sakov misal genocidesko thaj kaj nevoalosardo khedipe Parlamentesko Srbia manglape te avazinol kanuni savea kotar odova ka denpe sankcie”, phenelape ano mothovdipe e Šerutnipasko kotar 17. berš sar sine genocidi ani Srebrenica kote mudarde 8.372 džene. Helsinško šerutnipe leparela kaj sakova berš si nevo ispatibe kotar mudaripe ani Srebrenica, numa kaj kotar odova mudaripe Srbia dela negacia, opipe davie e Tribunalkeske ano Hag thaj Maškarthemutno krisi juridikako. Šerutnipe mothavela ini kaj mšakardavia ano procesi opipe Slobodan Milošević adjahar vakrela kotar olesko djevpaibe, jase djevapibe Srbiako, vaš odova mudaripe.

BEOGRAD – Prezidento Srbiako Tomislav Nikolić pheniba kaj gndinela kaj khonik na ka ovol prezidento ani Priština, sar so ni prezidento jekhvakteska thagarutnako ani Priština khonik na ka ovol ni prezidento ani Kosovaki Mitrovica, ni dikhljarela angle nisavo prmibe statusi Kosovako, mothavdo ano marsi kotar kabineti prezidentesko Srbia. Ano mothovdipe phenelape kaj odole Nikolićeske pheniba adjahar na dikhljarelape nisavo ulavibe- teritorialno jase partiako. Kotar but dikhipe e mediengo phando vaš Nikolićesko phenibe, ano mothovdipe phenelape kaj ano odola forme na dikhelape angle nisavo prmibe statusi mesmer srbikana krainako, ni reso putarde pučipasko, numa adjahr na denape ni negacie kotar fakti kaj ano akava momenti Srbia na kerela raštraki funkcia ano odola thana.

BEOGRAD - Srpska napredna stranka, Socijalistikani partia Srbia, PUPS, Jekhtuni Srbia thaj Khedutne regionia Srbiake hraminde ano tetradji Haljovibe kotar khupatne politikake resja, jase kotar formiribe parlamentesko butipe. Sar phenelape, fundone umalia haljovibaske siton raštraki politika, ekonomiaki thaj socialno politika, juridikaki raštra thaj thagaripe hakajengo, maribe opipe korupcia thaj kriminali, reforme raštraka direkciake, profesionalizacia direkcia publikake firmengi, decentralizacia thaj regionalno barjaripe, sasljaribe, edukuibe thaj scienca thaj tromale medie. Haljovibe, savo siole 13 riga, hraminde prezidento SPS Ivica Dačić, dženo ani funkcia prezidento SNS Aleksandar Vučić, lideri KHR Mladjan Dinkić, prezidenot PUPS Jovan Krkobabić thaj prezidento JS Dragan Marković. Odola partie, save ka keren nevi thagarutni Srbiaki, an Parlamenti Srbiako siolen 131 senatori (SNS 73, SPS-PUPS-JS 44 thaj URS 14).

BEOGRAD – Majsemno riga e haljovibaske kotar formiribe e neva thagrutnako Srbia, savo hramimo ano marsi, siton kotar raštraki politika, sigutne evropake integracie, soske sar phenelape, Sarbia mangela te ovol kotor Evropaka uniako. An haljovibe vakasrdo kaj ka ovol kerdi maksimalno buti vaš lejibe data e vakeribaski vaš dženutnipe ani EU. Srbia, sar phenelape, na ka anavol Kosovo thaj Metohia, numa ka ovol vaš normalizacia djivdipaski sa dizutnengi save djivdinena ano Kosovo thaj Metohia. Pana phenelape kaj pučipe Kosovo thaj Metohia ka resolpe tehno vastušea thaj dijalogea. Adjahar phenelape kaj jekh e resjenda sito šukar relacie e pašutne phuvjenca. Haljovibe kotar formiribe thagarutnako, savo žurnalistia ano bešipe Srpska napreda strnakako lele ano dikhipe siole 13 riga.

BEOGRAD – Prezidento Khedutne regionia Srbiake Mladjan Dinkić mothavgja ano marsi kaj ani nevi thagarutni majčače ka khuvol lideri Socialdemokratikana partiako Srbia Rasim Ljajić. Haljovibe kotar formiribe parlamenteske butipasko avdive hraminde reprezentatoria Srpsko napredna strnkako, KRS thaj koalicia kotar Socialistikani partia Srbia. Partia Rasim Ljajićeski ano parlamenteske alsoaribe 6. majea lela kotor ani koalicia e Demokratikana stranka.

Beta

Aver artiklia: