Dikhljaripe e nevipengo ko 17 00h

Marsi, 10. juli 2012.

LAZAREVAC – Ano Lazarevac iklisto dujto gendo “Khrlo e Romengo”, savo stampimo pi romani thaj srbikani čhib. Sar mothavdo ano veb sajti odola beogradeska komunako, lilea arakhelape nacionalno identiteti Romengo ano Lazarevac thaj pašutne thana aniba informacie kotar sa situacie. “Khrlo e Romengo” legardo ano januari 2012. ano rami Lokalno akciono plani vaš lačharibe pašljoibe nacionalne mnoritetengo, a realizuinelape ano maškaribe komunake konsilesko vaš nacionalno minoritetja thaj socialno arakhibe. Stampinelape ano 500 kotora, save ulavenape bipokiniba, a šaj te lolpe ini ano elektronsko forma prekal sajti komunako Lazarevac. Editoria siton Komuna Lazarevac thaj Romano humanitarno amalipe “Rom”, angluno thaj djevaptuno redaktori “Khrlo e Romengo” sito Goran Stanojević.

BEOGRAD - Prezidento Srbiako Tomislav Nikolić pheng kaj manglipe odolengo save anavde Kosovo biphanglo Kosovo te ovol sa, a kaj thagarutne ani Srbia dikhena odova khonik ta na ovol. “Gndinava kaj khonik veke na ka ovav prezidento ani Priština, numa kaj ni prezidento jekhvakteske instituciengo ano Kosovo na ka ovol prezidento ani Kosovaki Mitrovica”, vakargja Nikolić ano Melence uzo Zrenjanin. Ov phenga kaj Srbia musaj te nakhol konsenzusi kotar pučipe Kosovako, ulavde ano dikhipe prekal statusi Srpsko pravoslavna khangirako thaj manastirengo ano Kosovo thaj enklave ano save djivdinena Srbja. Ov phenga kaj konsenzusea manglape te ovol verifikuimo sar e Srbia ka reaguinol te sine kaj avela dži incidentja save šaj te sikaven kaj prištinake insitutcie mangena te realizuinen poro djevapibe ani teritoria sa krainaki.

BEOGRAD – Ministri avrune bukengo Srbiako Vuk Jeremić phenga kaj generalno sekretari KN Ban Ki Mun, te sien kaj avela ani Srbia, ka ovol šukar adžukardo “te vizitinol sakova kotor a ini Kosovo”, savo prekal rezolucia 1244 Konsili arakhibasko sito khupatno olako kotor. Sajekh koordinatori KN ani Srbia Vilijam Infante pheng akja vizita Ban KI Mun ani Srbia pana nane verifikuimi thaj kaj konkretno informacie ka džanenpe ano avutne 10 dive.

BEOGRAD – Saikeribe e koalicione haljovibasko kotar formiribe neva thagarutnako Srbia pana vakerenape thaj olengo hramibe adžukarelape avdive, vakardo agenciake Beta ano partie savi kerena koalicia kotar Socialistikani partia Srbia. Vakeribe lundjardo thaj adžukarelape hramibe e haljovibasko, vakardo e Betake. Haljovibe kotar formiribe e Thagarutnako manglape te hraminen partie save kerena koalicie kotar Srpsko napredna strnaka thaj socialistia thaj Khedutne regionia Srbiake. Angle sine vakardo kaj haljovibe ka ovol hramimo avidve. PUPS rodinga koaliciono haljovibe savo bahamingja Srpska napredna stranka vaš formiribe e neva thagarutnako te pherolpe šuže definišiba kvota kobor ministribe sava partiake ka peren, sar ini te vakarolpe ko ka ovol ano vakeribe sar jekha jekh partneri.

JAGODINA – Lideri Jekhtuna Srbiako Dragan Marković Palma denga negacia ano marsi kotar hramibe e mediengo kaj Partia khedutne regionia Srbiake rodinga but ano vakeribe kotar formiribe e neva thagarutnako thaj kaj rodinga nekobor resoria thaj vakargja kaj thagarutni ka ovol formirimi ano avutne 15 dive. “Odova so sito semno kaj arakhljam modeli sar te avolpe dži love thaj sar te pherolpe budžeti sar istemalkerdutne budžeteske po vakti te ovol olen odova so sinolen nakhle berša”, vakargja Marković e agenciake Beta ano Parlamenti dizako Jagodi9na kote bebenge save bijande ano juni ani Jagodina dendo po 1.200 evra. Marković sikavgja adžukaribe kaj nevi thagarutni ka ovol formirimi ano avutne 15 dive. Ov pheng akaj avdive ka ovol hramimo haljovibe kotar formiribe Thagarutnako Srbia maškar Spsko napredna stranka, koalicia kotar Socialistikani partia Srbia thaj Khedutne regionia Srbia.

BEOGRAD – Prezidento Nova Srbia Velimir Ilić phenga ano marsi kaj manglape te ovol ministri ani avutni thagarutni thaj te kerol buti savu kergja kana sine ministri vaš kapitalno investicie ani thagarutni Vojislav Koštunica. “Personalno ka ovol reslino, numa manglape te kerav buti savu kergum sar ministri vaš kapitalno investicie”, vakargja Ilić ani konferencia vaš žurnalistenge. Ov sikavgja adžukaribe kaj personalno resoa ani nevi thagarutni ka ovol čaljardo, kana hraminelape haljovibe. Ilić phenga kaj koaliciono haljovibe savo avdive ka hraminolpe nanole punktja kotar personalno resja, već raštrake thaj politikake resja. Ov phenga kaj palo bešipe aratike e koaliciono partnerenca koaliciono haljovibe “hari prmimo” thaj kaj adjahar dokumenti prezidiumi NS jekhavazea lela.

BEOGRAD – Ohto parlamenteske thaj avriparlamenteske partie registruisale kaj ano fundone alsoaribe adikarde 6. majea hardžime pobut love ze so lele kotar budžeti thaj khedime e donacienda, a majbaro minusi e 324 milionia dinarenda sikavde Khedutne regionia Srbia, mothavdo ano marsi. Majbaro minusi ano logaria siolen KRS save kotar budžeti ini e aver molipasta khedime diso pohari e 190 milionia dinarja numa hardžime paše 514 milionia, so sikavela kaj odoja grupacia partiengi hardžingja 324.275.749 dinaria pobut ze so sinolen.

BEOGRAD – Ministrio avrune bukengo Srbiako Vuk Jeremić phenga kaj ani funicia prezdiumi Generalne paralmentea KN ano Njujorki ka nakhol e budžetea savo ka avazinol nevi thagarutni thaj savi ka anol agorisardo pratsav. Palo prezentuibe beršesko raporti KN vaš Srbia ano Ministribe avrune bukengo ano Beogradi, Jeremić phenga kaj olesko timi ano bešipe e reprezentatorenca neva thagarutnako ka prezenutinol planirimo budžeti vaš jekhberšesko prezidiube Srbia parlamentea lumiaka organizaciako. Ov phenga kaj budžeti avazinelape ano fundo koeficijetni ano Ministribe avrune bukengo savo sito vaš diplomatiake reprezentatoria Srbiake ano KAR. Sajekh koordinatori KN ani Srbia Vilijam Infante denga dumo vaš alosaribe Jeremićesko vaš prezidiumi, vakeriba kaj odova alosaribe biprmimo.

BEOGRAD - Direktori Transparentnost Srbiako Vladimir Goati denga nota ano marsi kaj nevi Thagarutni msuaj te avazinol strategiako dikhipe ano maribe opipe korupcia, sebepi pozorale biphangle orgnaia, te keren reforme ano publikako sektori thaj te čhinen praksa kinibe mediengo. Ani konferencia vaš žurnalistenge, Goati lepargja kaj Srbia dži akana avazingja gendoske kanunia thaj strategiake dokumentaj vaš maribe opipe korupcia numa kaj nane mehanizmia vaš djevpaibe thaj vaš bipheribe bukengo. Goati vakargja kaj publikake firme manglpe te čhinen hramibe publikake vastušea prekal praksa kinibe medisko prmibe, jase prekal hardžipe lovengo ano sponzor, promotivno akcie publikake firmengi, ministribaski, krainake thaj lokalno thagarutnake soske adjahar ka ačhavolpe nakhibe raštrake lovengo.

Beta

Aver artiklia: