Dikhljaripe e nevipengo ko 12 00h

Marsi, 10. juli 2012.

BEOGRAD – Prezidento Srbiako Tomislav Nikolić phenga ano luj kaj Srbia sakova dive našalela Kosovo thaj Metohia, thaj kaj odoleske partie save khuvde ano parlamenti manglpae te keren khupatni strategia. “Amen sakova dive našala Kosovo thaj Metohia, savore save sine ani thagrutni sa vakti dikhena te paćaven amen kaj odova na anavde”, vakargja Nikolić palo vakeribe e patrijarhea SPK Irinej. Nikolić vdakargja kaj tema e bešipaski e patrijarhea sine Kosovo, vaš savo, sa3r vakardo, manglape raštrako konsenzusi. “Amen save arakhljam pandž šelestar te khuva ano parlamenti, te kera khupatni strategia thaj te kera dži agor. Ko mangela – mangela- ko na kamela na kamela. Te sine kaj si baro butipe vaš odova, šaj te ikljova ini anglo dizutne Srbiake”, vakargja Nikolić. “Na dikhava so šaj te ovol man, ani situacia more mandateski te čhivav mo šero ani kišaj sar noj a o arslano te cidol me pre thaj me phaka, thaj te vakarav: Na dikhluum, khonik na ovela”, vakargja Nikolić.

BEOGRAD – Prezidento Srbiako Tomislav Nikolić phenga ano luj kaj devibe vast4 e prezidentesko Demokratikana strankako Boris Tadić e premiereske Kosovako Hašim Tači ano Dubrovnik ano savato, sine Tadićesko personalno gesti. Nikolić, palo bešipe e patrijarhea Irinej, phenga e žurnalistenge kaj ano paraštuj vakargja e Tadićea kotar oleski vizita ano Dubrovnik ano Kroacia samiti thaj kaj nakhlo prezidento Srbiako na vakargja oleske kaj ka dikholpe odote e Tačijea. “Te vakarela sine mange, me šaj sine te vakarava – sebepi oleske, ta na lol vast manušesko savo sito telo phare došalipe”, vakargja Nikolić. Nikolić vakargja kaj khonik na lela vast Tačjijesko dži na verifikuinelape čače kaj,, sar putarde vakarelape, kergja mudaripe e Srbjengo.

BEOGRAD – Ažutindo e amerikake raštrake sekretaresko Filip Gordon phenga ano luj kaj KAR mangena nevi Thagarutni Srbiaki, bi dikhipa save partie ka formirinen ola, te lundjarol drom evropake integracienge, te zorarol regionalno maškaribe thaj te resol problemi e Kosovako. Kotar spekulacie kaj vizite duj uče amerikake reprezentatorengo Ani Srbia ano momenti kana vakarelape kotar formiribe thagarutnako sikavena šajutno hamibe e KAR ano odova procesi, ov vaš Radio-televizia Srbia pheng akaj interesi Vašingtonesko e nevi thagarutni te ovol ola maškaribe e KAR, a na ko ka ovol ani savi funkcia. “But šuže vakargja kaj pedo dizutne Srbiake sito thaj olengo demokratikane alsoarde reprezentatorja ano jekhipe e kanunea thaj Ačhimosea te anen pratsav savi thagarutni ka ovol. Nane pedo amen kotar odova te ana pratsav”, vakrgja Gordon. Kotar nadur mudaripe e romnako thaj romesko ano gav Talinovac uzo Urošavac tha nota kaj sa pobut si atajia pedo Srbja ano Kosovo, ovd pheng akaj “nane sigurno kaj odova sito čačuni pilta odoleski so ovela ano Kosovo”.

BEOGRAD – Haljovibe kotar formiribe Thagarutnako Srbia savu kerena koalicie kotar Srpsko napredna stranka thaj socialistia thaj Khedutne regionia Srbake, manglape, prekal phenibe savo dendo angle, te ovol hramimo avdive, teloprezidento Socialistikana partiako Srbia Slavica Djukić Dejanović vakargja ano luj e agenciake Beta kaj adžukarela hramibe e haljovibasko thaj kaj ano vakeribe e Partia khedutne penzionerengi Srbia te ovol arakhlo reso vaš problemia save ule thaj kritike save odoja partia denga pedo bahami koalicione haljovibasko. Ulavde medie mothvena kaj ano luj ki rat manglape te adikarolpe bešipe e koalicione partnerengo kotar SPS, PUPS thaj Jekhtuni Srbia, numa odola džene na sine arakhle vaš te den komentarja.

BEOGRAD – Prezidiumi Partia khedutne penzionerengi Srbia mothavgja ano luj kaj našti te hraminen koaliciono haljovibe savo bahaminga Srpska napredna stranka vaš formiribe neva Thagarutnako Srbia thaj rodinga te ovol prmimo e pošuže definišiba kvota kobor ministribe ka oven odola partiake. Teloprezidento PUPS Milan Krkobabić phenga ani konferencia vaš žurnalistenge palo bešipe Prezidiuibasko kaj bahamindo koaliciono haljovibe PUPS našti te hraminol sar ini kaj Prezdiumi rodingaj ini integrišibe odola partiak ano vakeribe sar jekha jekh partneri. “Natšti blanko te hramina haljovibe, a džana palo odova so ka ovol”, vakargja teloprezidento PUPS Milan Krkobabić palo štarsahatengo bešipe Prezidiuibasko ano savo vakardo kotar bahami koalicione haljovbiasko savo Krkobabić anavgja “bianglalipa thaj biagorisiba”.

BEOGRAD – Generalno sekretari KN Ban Ki Mun ka avol ani Srbia 23. juela, kana ka vakarol e prezidentea Tomislav Nikolić, hraminela lil “Večernje novosti”, akhariba pedo haniga kote Prezidiumi Srbiako. Ani vizita ano Beogradi, Ban manglpae te vakarol ini e aktuelno ministrea avrune bukengo thaj preziduimea avutne Generalne parlamentesko KN Vuk Jeremić. Ban ani Srbia ka ovol ano rami turnea ano Rjaćutno Balkani, savo ka lolpe 19. julea. Odova ka ovol angluni vizita jekh generalne sekretaresko KN ani Srbia palo ulavibe e nakhla Jugoslaviako.

BEOGRAD – Srbia sitoj sa popaše rizikoska samatrendake e udžulipasta thaj manglae te lenpe nići napjengo sebepi ta na arakhol amen kriza publikake udžulipaski, vakargja sajekh reprezentatori Maškarthemutne monetarne fondesko ani Srbia Bogdan Lisovolik. “Vaš te tiknjarolpe riziko e krizata publikake udžulipaski, Srbia manglape sig te avazinol plani napjengo uzo ažutipe savo, ano maskarutno roki, publikako udžulipe ka inarol telo kanunesko limiti, numa ini paćaviba te adikarolpe planea”, vakargja Lisovolik vša Polit4ika e marseski. Ov pheng akaj semno te avazinolpe realno thaj šparibasko rebalansi budžetesko, numa ini maskarutno rokesko plani vaš tiknjaribe publikako udžulipe, sar ini plani badžakesko savo manglape te lolpe vaš anibe šukar thaj sasto ekonomiako barjaripe.

HAG – Angluno ispati daviako Elvedin Pašić vakargja ano luj ano krisipe e Ratko Mladićeske ano Tribunali ano Hag sar olesko dad, kako, familia thaj pana paše 150 Muslimania našalde ano vasta bosnake Srbjenge ano anglojevend 1992. ano gav Grabovica uzo Kotor-Varoš. Prekal davia opipe Mladić, srbikane askeria mudarde 3. novembarea 1992. “baro gendo Muslimanengo ani skola ani Grabovica thaj pašutne thana”, pašić savo ano anglojevend 1992. sinole 14 berša, ispatuingja kaj e dade thaj piri familai paluno drom dikhlja jekh dive angle ze so mudarde, kana, e grupa e 200 civilenca tradime kotar gav Hrvaćani, dende srbikane askerenge, “Ini kaj simaj odote odoja rat, sa on sine mudarde”, vakargja Pašić, mangliepa te adikarol asvaja save mukela ano vakeribe.

Beta

Aver artiklia: