Dihljaripe e nevipengo ko 12 00h

Paraštuj, 6. juli 2012.

ZRENJANIN/NOVI SAD – Dizako šerutnipe Liga socialdemokratengo Vojvodina ano Zrenjanin akhargja djevaptune organia te roden, sar vakarena, našalibe čekautno dženo LSV Lukrecie Ursulesk thaj vakargja kaj šaj te ažuinol thaj te kerol mašakribe ano odova. Prekal majnevo haljovibe LSV Zrenjanin, si indicije kaj oj našaldili, ini kaj avdive na ali pi buti, na akharelape ano akharibe, nane khere, mothavena ano mothovdipe LSV. Partia sikavgja dondo kaj papale ovela sar so sine 2000. beršeste, kana kidnapuimo čekartuno dženo LSV Jan Svetlik thaj ano odola forme “pozor inardo manglipe e dizutnengo ano Zrenjanin”. “Majzorale da davia kotar adjahar uškavibe manušikane hakajengo thaj dikhipe peravibe demokratiako ano Zrenjanin”, phenelape ano mothovdipe. Konstitutivno bešipe Parlamentesko dizako Zrenjanin, savo akhardo vaš tahara, trumimo. Prezidento Parlaentesko dizako Aleksandar Marton vakrgja ano mothovdipe kaj pana na lela informacia e partienca save lela čekatune thana kaj avazimo parlamentesko butipe.

BEOGRAD – Bešipe partiengo khedime kotar Srpska napredna stranka, Socialistikani partia Srbia thaj Khedutne regionia Srbia ka adikarolpe ano paraštuj, verifikuimo vaš Radiotelevizia Srbia. Sar vakardo e agenciake Beta ano žoj, politikake partie save lena kotor ano vakeribe kotar formiribe neva thagarutnako agorisarde bilateralno vakeribe thaj akana adžukarelape trindženengo bešipe. Angle vakardo kaj avutne parneria ani thagarutni ka keren koaliciono haljovibe, a kaj koordinatori vaš keribe odova haljovibe ka ovold ženo ani funkcia prezidento SNS Aleksandar Vučić, numa pana na džanelape ka ovol mi odova haljovibe avdive hramimo.

BEOGRAD – Prezidento Socialdemokratikana partiako Srbia Rasim Ljajić phenga kaj manglipe e prezidentesko Srbiako Tomislav Nikolić vaš lejibe kotor ani nevi thagarutni sine korektno, numa kaj našti te lol olen, sebepi moralno čhinadipe. “Vaš partia sigurno ano harno vakti šaj te ovol majšukar te khuvol ani thagarutni thaj dur te barjarolpe, maj angle ano dikhipe zoralipe partiaki infrastruktura. Ini kana lafi kotar dikhipe e partiako šaj te ovol pošukar te ova kotor avutna thagarutnako. Numa, odova šaj te ovol poagor biprincipelno thaj bimoralno ini kaj amen simaj ani lista Demokratikana strankaki”, vakargja Ljajić vaš Politika e paraštujeski. Ov numa vakargja kotar pozicia oleski partia te ovol sine kokori šaj sine te khuvol ano parlamenti. “Ani odoja situacia šaj sine te vakara thaj te sine kaj avazina disave elementarno principia e formiribaske thagarutnako šaj majseriozno te la sine kotor. Ljajić vakargja kaj lejiba Nikolićesko rodipe ano akava momenti SDPS šaj sine te ovol ano thagaripe, numa kaj “šaj te našalol sine poro barikanibe”.

BEOGRAD – Koalicia kotar Srpsko napredna stranka, Socialistikani partia Srbia thaj Khedutne regionia Srbiake manglape ano marsi jase tetradji avutne kurkeste te hramimen haljovibe kotar formiribe neva thagarutnako, hraminena duj lila ano paraštuj.. ,”Politika” thaj “Večernje novosti” mothavena kaj sig palo hramibe e koalicione haljovibasko naprednjakengo, socialistengo thaj KRS manglep te ovol bešipe e republikake parlamentesko. Sig palo hramibe haljovibasko, dži agor avutne kurkesko, adžukarelape ini bešipe parlamentesko Srbia, kote šaj te oven alosarde prezidento thaj teloprezidento, a paše 20. juli parlamenti šaj te alosarol nevi Thagarutni, hraminela Politika, akhariba pedo bianavde haniga. Prekal haljovibe “Večernje novosti”, nevi thagarutni butipa ka ovol ola “promocia 23. julea”, kana ano Themutnao parlamenti ka ovol alosardo prezidento parlamentesko, majčače kotar rndo naprednjakengo. Novosti mothavena kaj dive pale mandatari Dačić bahamingja kanunipaske khereske ministrja, save palo dovoa manglape te den lafja.

Beta

Aver artiklia: